شعر تركی عزاداری محرم با صدای استاد شهريار و با مداحي حاج سليم مؤذن زاده به صورت صوتی به همراه متن شعر از سایت سالار شهیدان در ادامه مطلب آماده دانلود می باشد .
متن تركي شعر استاد شهريار
محرم دير خانم زينب عزاسي
بيزي سسلير حسينين كربلاسي
يولي باغلي قاليب دوشمن الينده
داها زوّاري نين يوخ سَس صداسي
بو گون كرب و بلا ويران اولوبدي
حسين اوز قاني نه غلطان اولوبدي
چاغير شاه نجف گئلسين هرايه
جهاديله آچاخ يول كربلايه
علي نين ذوالفقاري داده چاتسين
حسين قوربان لاري گئلسين منايه
بو گون كرب و بلا ويران اولوبدي
حسين اوز قاني نه غلطان اولوبدي
جهاد ميداني دير ملّت دايان سين
مسلمان خواب غفلت دن اويان سين
اوجال سين نعره ي اللهُ اكبر
گَرك كافر جهنم ايچده يان سين
بو گون كرب و بلا ويران اولوبدي
حسين اوز قاني نه غلطان اولوبدي
گئليب غيرت گوني ، همت زماني
اوجالداق باشدان آذربايجاني
گئداق صدام كافرله جهاده
ييخاخ بو بي مروت امريكاني
بو گون كرب و بلا ويران اولوبدي
حسين اوز قاني نه غلطان اولوبدي
حسين زوّاري نين قورتاردي صبري
قيراق بو قوتلاري، كافتاري، ببري
آچاق يول كربلايه، كاظمينه
چَكاخ آغوشه او شش گوشه قبري
بو گون كرب و بلا ويران اولوبدي
حسين اوز قاني نه غلطان اولوبدي
گرك دين اولماسا، دونياني آتماخ
شرف عزت لي بير دونيا ياراتماخ
سعادت دير حسين قوربان لاري تك
شهادت له لقاء اللهَ چاتماخ
بو گون كرب و بلا ويران اولوبدي
حسين اوز قاني نه غلطان اولوبدي
مسلمان صف چكيب دعوايه گلسين
چاغير عباسي تاسوعايه گلسين
قيزي زينب أوزي صاحب عزادير
چاغير زهراني عاشورايه گلسين
بوگون كرب بلا ويران اولوب دير
حسين أوز قانينا غلطان اولوب دير
آنا ! اوغلون شهيد اولدي مبارك
شهادتله سعيد اولدي، مبارك
اميد جنتين تاپدين، دا سندن
جهنم نااميد اولدي، مبارك
بئله طوي كيم گؤروب دنياده قاسم
طويي ياسه دؤنن شهزاده قاسم
آتا! اوغلون علي اكبر فداسي
طويي قاسم كيمي اولموش عزاسي
دوروب جنت قاپوسيندا گؤزتلير
كه گلسينلر آناسي له، آتاسي
بئله طوي كيم گؤروب دنياده قاسم
طويي ياسه دؤنن شهزاده قاسم
ممنون . اجرتون با امام حسین(ع)