روز عاشورا حسيني
نه عالــــــم دير الهي عالم امكــــاندا غوغـــــادير
گورن بو عالمي سسلر قيـــامت بوردا بر پا دير
حسينين داغ هجـــــرينده اولـــــوب ماتم سرا عالم
حسـين ابن علـــي( والّيــــل) ده نــــــور تجـــلّا دير
ائدللر قدسيان نوحــــه ،قوپار محشر بو صحراده
بساط عاشقي بــــــوردا بيز عشّاقه مهيّــــــــــا دير
حسينين يارو انصاري اوگون كه گول كيمي سولدي
پريشان حال اولوب زينب حسيني گوردي تنها دير
حسينين انقــلابيندن آخــان قــان ظلـــم ائوين يخـــدي
ملائك سسلير حيـــــران بو نه سّر و نه سودا دير
دوشنده ذوالجناح اوستن يئره سبط رســـــول الله
وران باشه ملائك ، تيترين عرشِ معــــــلِّا دير
آچيب باشين پيمبـــــر نوحه خوان نوح نبي الله
ويريب باشه اوغــــول واي سسلين ام ابيها دير
دگيب اوچ شعبه اوخ ، قان آخدي شاهين جسم پا كيندن
بو اوضاعه باخيب قــــان آغليان هر دم مسيـحا دير
علي محزون اولوب توكدي او دم رخساره گوز ياشين
اونون اي واي حسينم ناله سي هر لحظـــه پيــــدا دير
پريشان ايليوب زلفين او دم هجران چكـــن هاجـــر
يولان گيسولـــرين بو ماتـــــم عظمـــــاده سارا دير
گليب عرش خدادن سس منيم سن اي منيم بنده ام
سنـــون بو قانيوه صــاحب خداي حّي و دانادير
اولوب قان قلبي مسعودين ائشتسه غم لي اخباري
ورار ئوز باشينه سسلر منه سرور بو مــــولا دير
مسعود پيرامون
